ناس تصيب ، وناس تخيب ، وناس تولد ، وناس تشيب

قيل في الأمثال : ( اللي ما ينصفني وأنا سامعته ، إن مت يوفر دمعته ) ..
الطفل يسأل أمه ( المطلقة من أبيه الذي لم يسأل عنه يوما منذ حصول الطلاق ) :
ليه مالنا ( بابا ) مثل الجيران والناس ؟
وين بابانا ؟؟ مات ؟ وينه ؟؟
الأم يعتصرها الألم : بابانا موجود ، لكن ربنا كتب إننا نعيش عنه بعيد ، ما حصل بيني وبينه وفاق ، واختلفنا كثير ...وفي النهاية إختار البعاد ، وهو الآن مشغول ورايح بعيد .....( تحاول إخفاء تقصير الأب ).
الطفل : أجل نقعد بلا بابا ..!!!...أوريه بابا بعدين في الجنة ..بقوله : لا تدخل معنا ..رح عنا بعيد ...!!! واختار لي بابا من الجنة يحب القرب ...!!
مات الطفل بعدها أسابيع ...والأب الآن في أشد حالات الندم ...
_____________
وقيل أيضا : ( ناس شايخة ، وناس دايخة ، وناس في النعيم نايخه).
تقول لي وبكل فرحة وطيبة وعفوية ،يوم سألتها : بشري عنك وشلونك وكيف أمورك مع أبو العيال عساها أحسن ؟
تقول : أبشرك الحمد لله رب العالمين ...تصدقين إنه وداني البارح للدكتورة ؟ واشترى لي الدواء من كيسه ..؟؟ تصدقين !!
ثم استطردت بقولها :
...تدرين إني فرحت بهالصخونة هالمرة !! إثر الحريم اللي يشري لهن رجالهن الدويات مبسوطات يا أم مساعد، وبعذرهن يختي ما يطيبن أبد...!!
__________________________________
وورد أيضا مقولة : (ثمرة التفريط الندامة وثمرة الحزم السلامة)
كلما قالت له أبي ...قال : تم ..
رح يمين ...تامرين يالغالية ..سم ..
رح يسار ...وهذا يسار لأجل خاطرك يالحبيبة ..
تمر سنين والرجال ياما تياسر ، وياما تيامن ، وياما تقدم ، وياما تأخر ...والعلم بيدها ، والقرار قرارها ، وحتى بطاقة الصراف بيدها ...
يوم جا يوم (الآراء ) عبرت عن رأيها في هالزوج وبكل وضوح قائلة : يختي ما عمري حسيت معاه بسعادة أو تميز!!!!
زوجي عبارة عن مجموعة جمود وبرووود ماله حد ( قِطَع )على هالنوعية من الرجال ....( على حد قولها ) .
ودي أعطيه خبر يصبحها بكره ( بعلقة ) عشان يتميز عندها ...لكن تعوذت من الشيطان ..
_______________
وترددت مقولة : (جاهل يعولني ، ولا عاقل أعوله).
صاحب زوجتين يتخذ قراره مع الزوجة ( غير بنت العم ) فيقول لها وبكل الحب :
تدرين يا نوره إنك غالية علي بلحيل ، وماجا منك قصور ، وقضيت معك أجمل سنين عمري ، ولأني أثق بأنك إنسانة واعية ، ومثقفة ، ويعتمد عليك في البيت ، وموظفة ويمشي لك راتب ، ولا أخاف على عيالي معك ، وماشاء الله جيدة قبل آخذك وتديرين بيتك عن مية رجال ...فأنا بطلقك وأنا مانيب خايف عليك ، وضميري مرتاح ..!!
لكن مثلك عارف أم العيال ( ساره ) بنت عم ، ومسكينه مالها والي ، وعصبية ، وما تدبر روحها ، وأخاف على بزراني معها لحالها ، وما أقدر أتركهم لها وهي طليقتي ..فالعذر منك والسموحة يانوره ....أنت طالق !!!!
_______________
( اعجبني فنقلته لكم

مشكووور أخوي عالموضوع الرائع

وتردد قول الطول طول نخلة والعقل عقل صخلة

موضوعــ رائعــ ..

نقل موفقــ ..

سلمتــ ..

مشكور ..

مشكوووور المومن على المرور

مشكور جاك على المرور

مشكور كااكا على المروور

مشكور المايسترو على المرور